Bon biní na Albert Heijn Kòrsou. Pa tur bo komestibelnan dushi i fresku. For di mart 2007 bo por bishitá nos supermerkado di 2500 m2 na Zeelandia. Ounke ku mas bien por bisa ‘bó supermerkado’, pasobra tur kos na Albert Heijn ta drei rondó di bo satisfakshon pa hasi kompra.
Hustamente p’esei serka nos nos a perkurá pa bo tin e eskoho for di un variedat di 28000 artíkulo, ku ta varia for di un produkto ‘A’ te artíkulonan ekonómiko Euroshopper. Kada produkto ta di ekselente kalidat, semper fresku i hopi kumbiniente. Banda di bo kompranan diario nos tin produktonan ku bo no ta haña niun otro kaminda i akshonnan espektakular. Bin komprobá p’abo mes i laga nos sa libremente kon bo ke pa nos kumpli ku bo deseonan. Finalmente, ta bó Albert Heijn!
AH puur & eerlijk: naturalesa tambe ta hañ’é dushi
AH puur&eerlijk ta produktonan nobo di e marka di kas di Albert Heijn. A kultivá, produsí i kumpra e produktonan ku ta kai bou di AH puur&eerlijk ku èkstra atenshon pa hende, animal, naturalesa i medioambiente. Di e forma ei AH ta perkurá pa alternativanan responsabel i pa hasi kompra mas fásil p’abo!
AH puur&eerlijk na Kòrsou ta konsistí di 4 diferente alternativa pa por ofresé bo un eskoho mas amplio di produktonan responsabel. E kuater kategorianan ta: AH puur&eerlijk biológiko, di fairtrade, peska i ganaderia duradero i ekológiko. Tur bou di un marka i empake notabel. Banda di esaki instansianan independiente ta garantisá e durabilidat di produktonan ku ta kai bou di AH puur&eerlijk.
AH biológiko awor a bira AH puur&eerlijkk
AH Biológiko ta kai awor bou di e marka propio AH puur&eerlijk. Ku e marka nobo di un banda ta duna atenshon na e nesesidat kresiente pa konsumí di un forma responsabel i di otro banda tambe ta duna atenshon na e oferta fragmentá di produktonan responsabel. Danki na e forma úniko ku ta presentá e marka nobo aki bo ta mira mes ora kua produktonan ta esnan responsabel. Asina akí ta ofresé tur e produktonan ku ta ser produsí, kultivá i ku ta kumpra ku èkstra atenshon pa kuido di hende, animalnan, naturalesa òf medioambiente, di un forma rekonosibel i bou di e marka nobo propio: AH puur&eerlijk!
AH puur&eerlijk biológiko
Ta tene kuenta ku nesesidatnan natural di animalnan, i di medioambiente na momentu di kultivá produktonan biológiko. E animalnan ta haña mas espasio pa move i kana liber i ta risibí alimentashon biológiko responsabel. Ta kultivá produktonan vegetal biológiko di un forma natural, den kua no ta usa produktonan kímiko-sintétiko pa kombatí insekto i otro tipo di bestia, ni tampoko fèrtilisante kímiko, loke ta hasi ku e daño na medioambiente ta ménos. EKO-keurmerk ta duna garantia ku e produktonan a ser produsí biológiko.
Albert Heijn ta e promé supermerkado kaminda produktonan biológiko a haña un lugá prominente entre produktonan di nesesidat diario. Un pa un produktonan di kua bo por disfrutá di un forma responsabel.
www.eko-keurmerk.nl | www.skal.nl/
AH puur&eerlijk fairtrade
Produktonan di AH puur&eerlijk fairtrade ta produktonan ku a kumpra pa preisnan hustu, i bou di kondishonnan internashonal pa komèrsio ‘fairtrade’ serka kultivadónan den paisnan den desaroyo. A paga preisnan a base di kondishonnan di komèrsio hustu i ta aportá pa e kultivadónan en kuestion por tin mihó kondishonnan di bida i trabou. Banda di esaki e kultivadónan di Max Havelaar ta risibí un prima èkstra pa desaroyo. Ku esaki, no solamente e kultivadónan, pero tambe nan famia tin benefisio.
www.maxhavelaar.nl
AH puur&eerlijk ekológiko
Durabilidat di medioambiente ta un tópiko ku mas i mas ta biba serka hopi di nos aktualmente i ku ta hopi importante. Ku AH puur&eerlijk ekológiko Albert Heijn ta duna su aporte den esaki. Ta pa e motibu ei ku a inkorporá AH puur&eerlijk bou di e marka di kas di Albert Heijn. Na momentu di realisashon di produktonan ekológiko di Albert Heijn ta perkurá pa usa ménos material di empake posibel ku ta hasi daño na medioambiente, i ta hasi eskoho konsiente di materia prima ku ta disparsé mas lihé i ta hasi ménos daño.
Nordic Swan & De Blauwe Engel keurmerken
AH puur&eerlijk ekológiko tin dos ‘keurmerk’: Nordic Swan i De Blauwe Engel. Ámbos ‘keurmerk’ internashonal ta traha huntu e ‘keur’ pa medioambiente di Hulanda, pero ta apliká normanan mas estrikto pa medioambiente. E ‘keurmerk-nan aki ta vigilá ku e produktonan ta hasi ménos daño posibel na medioambiente.
www.svanen.nu | www.milieucentraal.nl
AH puur&eerlijk peska responsabel
Na Albert Heijn nos ta hasi hopi esfuerso pa e piskánan ku por kumpra na AH ta prosedente di peska duradero. Bou di peska duradero di AH puur&eerlijk ta kai únikamente piskánan sertifiká independientemente. Piská salú i peska ku ta hasi ménos impakto riba sistema ekológiko i maneho di peska duradero ta kondishonnan ku ta apliká pa AH puur&eerlijk.
Na Albert Heijn Zeelandia tin un surtido chikí di peska duradero.
Marka AH: semper kumbiniente
Na total, tin alrededor di 4000 produkto di marka AH, ku bo ta rekonosé na e logo di Albert Heijn. Tur bo kompranan diario ta representá: di karni mulá, keshi i andijvie na slais, te pindakas, stroopwafels, kòfi, pizza i papel di W.C. Bo tin un eskoho grandi for di e produktonan ku e marka di kas AH ku tremendo kalidat;manera bo por spera di nos. I semper na un preis kumbiniente.
AH Excellent: pa disfrutá intensamente di dje
‘AH Excellent’. E nòmber mes ta bisa tur kos kaba, i e bunita empakenan ta bisa sobrá. AH Excellent esun di mas dushi, i esun di mihó kalidat ku nos tin den kas. Pa produktonan AH Excellent kalidat úniko ta un prioridat. Bo ta haña produktonan di e marka aki den diferente departamentu di supermerkado. Na pizza, aros, belèg, zeta di oleifi, kòfi, wòrs seku, salada, salmou, sòpi, etc. Straño, apart i kulinario: esei ta AH Excellent.
Euro Shopper pa e preisnan mas abou
Gasta ménos sèn posibel na bo kompranan diario? Pone atenshon e ora ei riba nos marka Euro Shopper. Pa esaki nos a bai en buska di e preisnan di mas abou pa un variedat grandi di produktonan di uso diario. Naturalmente, sin pèrdè e kalidat for d bista! Un gran parti di e produktonan básiko aki nos ta kumpra huntu ku otro supermerkadonan europeo na kantidatnan grandi. Di e manera aki, nos ta logra ofresé bo e kalidat ku bo ta spera na Albert Heijn, na e preis di mas abou. Bo ta rekonosé Euro Shopper na e empakenan kòrá ku e logo di Euro Shopper. |
